فتاة العنبر

المكان: وسط البلد
الزمان : 9.00م
الحدث : البخور

فتاة جميلة ملامحة تبدو أكبر قليلًا من عمرها الحقيقى مترددة قليلًا ورغبتها قوية فى بيع منتجها حتى تستطيع الذهاب إلى المنزل، وبين المتسامرين على المقهى تمر وتسأل

فتاة العنبر : معايا بخور بكذا ريحه استأذنك أن تأخذ فكرة
صديقى : لا عندى حساسية اصلا
أنا : أنا هاشوف اللى معاكي

تحاول ان تفتح لى الاكياس حتى اشم الروائح ولكنى أكتفى بأول حظي

أنا: انا هاخد العنبر الورد والزهور مزعجة بالنسبة ليا وكذلك المسك العنبر كويس؟  كام ؟
هى : 5 جنيه
انا : هتنتخبي
هى : لاء
انا ليه؟
هى : انا واللى زي بالذات مينفعش نتكلم فى السياسة احنا فى مكان حساس وسط البلد والسياسية هتيجى علينا مش لينا فقلتها ارحم
صديقى: والله ريحتى دماغك عيشي ؟
هى : أعيش إحنا مدفونين بالحياة
انا: انتى كام سنة؟
هى:انا 17 فى أولى ثانوي، ولما بيكون فى مدرسة بكون فى المدرسة اخلص وانزل اشتغل وارجع البيت اذاكر ، بس أنا هاكمل هاكون دكتورة باذن الله والحمد الله انا شاطرة درجاتي حلوة
انا فى سري انتى فتاة العنبر انتى امل الغد حتى وان كان الغد صامت
انا : انتى اسمك ايه
هى علياء
انا : ربنا يجعل ليكى من أسمك نصيب يا علياء

علياء علمتنى درس إن البعد عن السياسة رحمة والتجارة رزق لبكرة، والكلام الكتير مبيجبش همه...

#المجد_لعلياء :) المجد لفتاة العنبر