انهاردة وأنا راجعة من الشغل كالعادة بلحق أخر مترو الساعة واحدة .. اتأخر حبة.. وأنا كنت خلاص مش قادرة اقف واول ما جه لقيت مكان فى عربية "السيدات فقط" حمدت ربنا قلت هقعد..
جيت أدخل ألاقى كام راجل على كام شاب بيزحموني عشان ياخدوا المكان وفي الحالات دي أنا بطلت اتكلم أو اتناقش وخدت جمب وفضلت واقفة على جنب.
تقوم بنتين سودانيتين يحاولوا يوسعوا لي من مكانهم فرفضت وفضلت واقفة..
------
راجل كبير جدا يسأل ولد صغير يعني ماكملش العشرين قاعد جنب البنتين السودانيتنن إنه يقعدوا مكانه لأن مش قادر يقف..
الولد يبص بنظرة لأ مش عايز اقفلك وكلنا راجعين تعبانين..
البينتن بلا تردد قاموا قعدوني وقعدوا الراجل الكبير
والبنت تستطرد: "عندينا عيب إن البنت تقعد وفي راجل كبير واجف، ولا راجل يقعد وفي حرمة واقفة".
بصيت لها وقلتها والله وكان عندنا كمان عيب.. بس أهو كان!!
ماما بتحكي لي..
راجل عجوز وغلبان كان بيقف عند خير زمان مشكلته كلها في الحياة إنه بيكعبل الستات وهى ماشية أو بيحدفهم بقشر موز باختصار هو حد اتجنن من الستات وهما كانوا عقدة حياته كما هو واضح..
تقوم الناس تعمل إيه؟؟..
الرجالة اللى في الشارع تقرر إنه فجأة تفوق وتطلع غلها على الراجل الغلبان وتنزل عليه ضرب بالرجل وبكعب الجزم بغل لحد ما يتكوع فى الأرض، وهو أصلا مش فاهم هو بيحصل كدا ليه فيه..
الناس بطلت ضرب فيه، راح عند بتاع الموز ووقف جمبه ياخد حبات الموز يقشرها ويأكل منها قطعة ويرمى ما تبقا على المارات من النساء.. دون وعي وإدارك لما حدث أو ما سيحدث..!!
التناقض اللى موجود في المجتمع غير طبيعي وعدم الإنسانية فعلا مزعجة بشكل غير طبيعى مزعجة لدرجة الآلم ....
جيت أدخل ألاقى كام راجل على كام شاب بيزحموني عشان ياخدوا المكان وفي الحالات دي أنا بطلت اتكلم أو اتناقش وخدت جمب وفضلت واقفة على جنب.
تقوم بنتين سودانيتين يحاولوا يوسعوا لي من مكانهم فرفضت وفضلت واقفة..
------
راجل كبير جدا يسأل ولد صغير يعني ماكملش العشرين قاعد جنب البنتين السودانيتنن إنه يقعدوا مكانه لأن مش قادر يقف..
الولد يبص بنظرة لأ مش عايز اقفلك وكلنا راجعين تعبانين..
البينتن بلا تردد قاموا قعدوني وقعدوا الراجل الكبير
والبنت تستطرد: "عندينا عيب إن البنت تقعد وفي راجل كبير واجف، ولا راجل يقعد وفي حرمة واقفة".
بصيت لها وقلتها والله وكان عندنا كمان عيب.. بس أهو كان!!
ماما بتحكي لي..
راجل عجوز وغلبان كان بيقف عند خير زمان مشكلته كلها في الحياة إنه بيكعبل الستات وهى ماشية أو بيحدفهم بقشر موز باختصار هو حد اتجنن من الستات وهما كانوا عقدة حياته كما هو واضح..
تقوم الناس تعمل إيه؟؟..
الرجالة اللى في الشارع تقرر إنه فجأة تفوق وتطلع غلها على الراجل الغلبان وتنزل عليه ضرب بالرجل وبكعب الجزم بغل لحد ما يتكوع فى الأرض، وهو أصلا مش فاهم هو بيحصل كدا ليه فيه..
الناس بطلت ضرب فيه، راح عند بتاع الموز ووقف جمبه ياخد حبات الموز يقشرها ويأكل منها قطعة ويرمى ما تبقا على المارات من النساء.. دون وعي وإدارك لما حدث أو ما سيحدث..!!
التناقض اللى موجود في المجتمع غير طبيعي وعدم الإنسانية فعلا مزعجة بشكل غير طبيعى مزعجة لدرجة الآلم ....
تعليقات
إرسال تعليق