قررت إنهاردة وبشكل جدى جدا إننى سأكتب باللغة العامية
بس أعذرونى يمكن هتلاقوا كتير لغة عربية ده طبعا لانى الحقيقة لا أحبذ الكتابة بالعامية كثيراً ما علينا خلينا فى الموضوع اللى انا جاية أتكلم فيه انهاردة.
انا هنا انهاردة عشان اتكلم عن فكرة أزاى واحد يأأمن لحد لدرجة انه يخليه يعمله كل حاجة ويديله كل اللى هو عايزه عن طيب خاطر مش فاهمين ؟
ماشي نقول مثلا عندنا أم ابراهيم وعندى الحج حسنين وعندنا الحاجة ام عويس مثلا
الحاج حسنين ده هو الحد اللى انا بتكلم عنه سوسة وبيعرف يدخل وينفد من فتحة الباب اللى عند كل واحدة من الستات اللى انا قولت اساميهم من شوية اللى هما الحاجة ام عويس وام ابراهيم للتفكير بس مش اكتر نكمل
المهم انه عشان هو سوسة اقنع الاتنين انه هو بيحبهم لانهم قطعة من قلبه زي ما هو قال وبعد مااخد كل اللى هو عايزه منهم واحدة ساعدته فى شغله وادته كل فلوسها عشان يعمل اللى يخليه قدام الناس بصورة كويسة فى المقابل انه يقول ادام الناس انها ساعدته او على الاقل يحترمها ويقدرها قدام الناس والتانية مكنش عندها فلوس تديهالوا بس كان عندها احن وارق واحسن قلب فى الدنيا حبه وكان ليه السند والظهر والمشورة الحسنة اللى مش هيلاقيها فى اي حته فى الدنيا
المهم ان الحد ده لانه واعذرونى يا جماعة فى الالفاظ الخارجة - واطي- فضحك طبعا على الاتنين اخد من الاولة كل حاجة وسبها فى النهاية مشردة فى الشوارع لاء كمان اتجننت يا حرام لانها للاسف حبته والتانية مسكينة عبيطة وهابلة وصاحبنا لسة بيضحك عليها بكلام حلو وانه لسه بيقول انا لسة بحبك وانتى اللى فى القلب
انا المهم مقولتلكمش ازاى هو ضحك على ام عويس اللى هى الاولى قصدى ازاى يعنى هى اتجننت
هى بقا زى ما انا قولتلكم ساعدته فى شغله بس بقا هى كانت كل ماتفتح جريدة ولا تشوف حاجة منشورة عنه فى صفحة من صفحات الانترنت او حتى حاجة هو كاتبها عن نفسه على التويتر والفيس بوك تفتكر ان هى اللى كانت بتساعده وهى اللى كانت بتعمله الشغل ده اللى هو بيقول دلوقتى انه بتاعه متستغربوش اصلهم مودرن
المهم ان الحاج حسنين ده حرامى او نصاب او سوسة مش هتفرق كتير بس الفكرة بقا انه موجود منه كتير اوى اوى فى البلد اليومين دول خدوا بالكم يا بنات من النوعيات دى اللى انا بقول عليها الحقيقة اصحاب الفكر الصهيوني اليهودى
واشمعنى الاتنين دول لانهم هما الواحد اللى بيقدروا يدحلبوا بالشكل ده ويمتلكوا اللى هما عيزينوا ويستعمروا المكان بحملة استطانية استعمارية شيطانية متعجرفة النزعة والاهواء ويقولوا انهم الاصل
انا مش عارفة انا عايزة اسكت لانى لو اتكلمت فى الموضوع ده مش بعيد يطلع ليا ناس من اعداء اى كلام ويقولولى اللى انتى بتقوليه ده كلام يهدد امن المجتمع القومى وحاجات من شبه الحاجات دى يعنى بس انا للاسف مش هاعرف اسكت وهاقولكم
أهو كله كلام
وأشوفكم على خير
الحاجة أم إسماعيل : نوران عارف
ههههههههههههههههههههههههههههههههه
يا عم إكتب مصرى. ماله المصرى؟ هى لغتنا الأصلية و الأقرب لينا و مفهومة اكتر للمصريين عن كلاكيع النحوى
ردحذفمحمد والله عندك حق بس المشكلة الاصلية فى ان الواحد احيانا كتير مبيعرفش يتخلص من اللغة العربية لانها حاجة كدا بتجرى فى دم الواحد بس اللى هقدر اوعدك بيه ان الكلام يكون مفهوم مفهوش كلام هندى
ردحذف