من غير أسم أوحتى رسم
من غير كلام وأبتسام
صمت رهيب خيم هناك
سكوت ......
أسمع صوت الغلام
طفل صغير عايز يغيير
أمه تنادى
تعالى هنا
ليه يا أمي ديه أرضنا ؟
كانت يا ولدى فى عهد غير عهدنا
30 سنة ظلم وفساد
30 سنة قهر وسكات
30 سنة عيشة أموات
30 سنة من عمرنا
أغلال قيود وعربيات
رزقة كبيرة ممكن فى لحظة تلمنا
ليه يا أمى الحجة أيه ..؟!
أهو كدا يا أبنى قانون ظالم ...
أسمه الطوارايء
يخبط عليك بفجر السلام
بس السلام كان زمان
أصل انهاردة
هتنده لمين لشعب نايم ومغيبين
أصل انهاردة يوم جديد
وكل واحد فيه سعيد
وسعيد أفندى
مشغول بأهله ومن كتر شغله
ماشي ع مهله
طب والناس والمصالح
المصالح فى العقل بس
والحقيقة الكل طايح
ومستخبي ورا العمود
ماشيء بيده
أزاى يا أمى ..بأيدي اغير
بأيدى أبنى
بأيدى أصنع
بأيدى أربي
أودعى ربي وسعلى رزقى
وأكفينى شر المستخبي
أنت يا أمي علمتينى
ماشيء بالدنيا
يقف بينك وبينى
والنهاردة الخوف مليكى
وساكن فيكى
عمال بيبنى جدارة عالى
أسمع صوتك
محالة ...
والاستحالة عملتلى حالة من الجنون
خلتنى طايح على كل لون
خلتنى سارح مليان هموم
طفل يا أمى
بس كبير عجوز خطير
وبالسياسة شارب كتير
خليك بعيد ..لا يجيلك الواد حميد
أصله شديد قوى وعنيد
بأيديه يخدك ويرميك بعيد
وأنده عليك ما أسمع غير السكات
أسمع اهات وأقعد أبات
أصحى فى سكات
والجدار مليان أهات
شفتى ياأمى الجدار
مليان اهات
مبنى طوبة طوبة
قهر وثبات
ومن انهاردة
أنا راح أغير
أنا راح أدمر
كل لحظة بينى وبينك
خلتنى بعيد
خلتنى شديد
ثابت همام جوا الميدان
بلاش يا ولدى ساب اللجام
والحلم صعب
عليك بعيد
ده كان زمان ....
أنا عنيد ...شديد ...ثابت همام
بلاش يا ولدى صوت الرصاص
ما راح أخاف ..
ده كان زمان ..
بلاش يا ولدى
خلينى أشوفك
أسف يا أمى .. وبوسة لكفوفك
رايح يا أمى على الميدان
ثابت همام
ماراح انام
ماراح اسيبه يسيب اللجام
ماراح انام غير لما أخليه بأيديه
يهد الجدار
ويفك الحصار
وساعتها بس يا أمى راح أشوفك
وأبوس رموشك
وأمسح دموعك
وأكون شفيعك
عند ربي وأدعيلك ..يحميكى يأمى
وتعيشي حرة ...............
نوران عارف
13-2-2011
تعليقات
إرسال تعليق