سن القلم مكسور
والقلب عليه مغلول
صوت اللسان مكتوم
والعين بالدمع سال
عايش فى بلادى حاير
مش فاهم هى فعلا بلادى
وا أنا اللى فيها ضيف أعمى
وأصم .. وجاهل
------------------
باطل .. باطل .. باطل
وصوت مكتوم ظاهر
كرسي عميه وخوفه مليه
وأيه بعدين
يشفعله لو ما نزل من فوق برجليه
وأيه يشفعله لو كان الشعب اليوم ما بيحميه ؟!!!
------------------------------------29-1-2011
ماراح يلاقى قلب يخبيه
ماراح يلاقى انسان يحس بيه
وأزاى يحس بيه
وأزاى يحميه وهو عمره فى يوم ما حاول يدفيه
أزاي يصير القلب فى يوم
حامى الحمى لحامى الديار
الهمام
اللى عمره ما نام يا حرام
سهران على شعب جعان .. بردان
وإنهارده ليك عندى إشعار هام
............ قررنا نحن الشعب أن نتوقف عن حالات الزكام
عن حلات سد الودان
قررنا خلع اللجام
قررنا نحن الشعب أن نتخلى عن الحاكم
ونتركه يعيش عشتنا
اللى كان بيقول عليها سلام
قررنا وصدر القرار وخلاص
خلص يا سيدى الكلام
وعليك النزول يا هام
وإلا ...............مافى كلام
فى قلب للنظام
وسقوط الفارس من على الحصان
----------------------------------29-1-2011
نوران عارف
حقوق الطبع محفوظة :(C) لنوران عارف
تعليقات
إرسال تعليق