من زمان مصبحتش عليكى
مع ان حالى كل يوم بيناديكى
من زمان مقولتش بحبك
مع ان قلبي داب فى عشقك
من زمان وانا جي جري
الحق ادق بابك قبل اى حد واقف بالحي
الحق اقولك يابلادي عشقك
خلى قلبي بالنبض حي
قولت اجيلك انهاردة
واخبي ورا ضهري بايدي وردة
قولت اقولك على اللى بيا
قولت اصبح ... يمكن راح تتبسمى
ليا
صباحك بلادي جميل وهادي
صباحك بلادي صافى محفوظة من الاعادي
صباحك بلادي بطعم الحياة
رغم ردك اللى بيقول فيه طعم الآسى والآه
صبحت عليكي بالامل .
.قولتللى وماله الامل بينا .
الواجب واقف بينادينا ..
صبحت عليكى بالحرية .
قولتى بطل يا واد ملاغية .
.ده الحب هو طعم الحرية
صباحك بلادي جميل وهادي
صباحك بلادي بطعم حبي بدق قلبي
صباحك محفوظ من الاعادي
صباح الخير بلادي
تعليقات
إرسال تعليق