البلد ولعة والعجيب هي ان الطرف التالت رجع عشان تولع زيادة
اللى انتوا مش عارفينوا بقا مين هو الطرف التالت بس انا عايزة اقولكم افعاله انهاردة كانت ايه !! وانتوا بقا اعرفوا او انا كدا كدا هاوفر عليكم التفكير واستخدام العقل فى معرفته !!
الاخوان : بيقولوا ان فى ناس فى الشارع متجمعة بالسنج والمطاوي مستنية الاخوان .. وفى نفس الوقت الثوار او المعارضين اللى عند القصر دلوقتى بيقولوا ان اللى واقفين بالسنج والمطاوي هما الاخوان !!
القنوات الحرة المستقلة .. طلعت وصرحت بكلام كتيييييييييير فى منه اللى ليه لازمة واللى ملوش والمهم انهم صرحوا ان فى ناس ماتت على ايد الاخوان !!
القنوات اللى بردوا حرة ومستقلة الا انها تعود لجماعات الاسلامية من حيث التمويل ... بتدعي على البردعي وحمدين وعمرو موسي بالسكته القلبية والخلاص من الحياة عشان هما يرتاحوا لاء مش كدا هى كمان بتدعى على كل من تواجد امام الاتحادية او فى التحرير بكل خير ..." أكيد مش خير ابدا " !!!
مثلا قناة الناس اللى لاقتها فى وشى من ساعة ما وصلت البيت ..!!
طالبت اليوم بالاتى :-
1- إحالة كل المتظاهرين والزج بهم الى السجون .
2- التخلص من الرافضين للحكم
3- اباحة دم المتظاهرين سواء فى التحرير او فى الاتحادية ... ده على اساس انهم ملهمش لازمة
وعلى رأي الشيخ ياسر .. شوية كلاب !!!! بجد حاجة تقرف واسلوب اعلامى منحل لدرجة ملهاش اساس !!
الجميل بقا فى الموضوع واللى مش مفهوم ان الناس اللى راحت تعتصم هى اللى جابت الخمور والاخوان كانوا بينضف مكانهم
الاسوء حقا ان فى ناس مسكينة صدقت بدون ما تتحقق لاننا لسة مبنفكرش ... لسة مبنسمعش ... الغريب ان صاحب البرنامج اللى عامل يدعي على كل من يخالف رأيه من الصبح ده ... واللى عيزين ضرب النعال على رأيه ... " يا أيها الذين أمنوا ان جاءكم فاسق......" صدق الله العظيم
بس الغريب ان كل الاطراف شايفة ان اللى قدامها فاسق واخباره ملهاش اي اساس من الصحة ... فقدنا العقل والحوار وبذلك فقدنا اهم شيء هي الانسانية !!!
حسب الله ونعم الوكيل فى كل من يرغب فى السلطة ولا يهتم بحال من يسانده !!!!!
هذه كلمتى وأجري على الله
لسة عندي روح الثورة ولكنى مازالت محبطة !!! :(
اللى انتوا مش عارفينوا بقا مين هو الطرف التالت بس انا عايزة اقولكم افعاله انهاردة كانت ايه !! وانتوا بقا اعرفوا او انا كدا كدا هاوفر عليكم التفكير واستخدام العقل فى معرفته !!
الاخوان : بيقولوا ان فى ناس فى الشارع متجمعة بالسنج والمطاوي مستنية الاخوان .. وفى نفس الوقت الثوار او المعارضين اللى عند القصر دلوقتى بيقولوا ان اللى واقفين بالسنج والمطاوي هما الاخوان !!
القنوات الحرة المستقلة .. طلعت وصرحت بكلام كتيييييييييير فى منه اللى ليه لازمة واللى ملوش والمهم انهم صرحوا ان فى ناس ماتت على ايد الاخوان !!
القنوات اللى بردوا حرة ومستقلة الا انها تعود لجماعات الاسلامية من حيث التمويل ... بتدعي على البردعي وحمدين وعمرو موسي بالسكته القلبية والخلاص من الحياة عشان هما يرتاحوا لاء مش كدا هى كمان بتدعى على كل من تواجد امام الاتحادية او فى التحرير بكل خير ..." أكيد مش خير ابدا " !!!
مثلا قناة الناس اللى لاقتها فى وشى من ساعة ما وصلت البيت ..!!
طالبت اليوم بالاتى :-
1- إحالة كل المتظاهرين والزج بهم الى السجون .
2- التخلص من الرافضين للحكم
3- اباحة دم المتظاهرين سواء فى التحرير او فى الاتحادية ... ده على اساس انهم ملهمش لازمة
وعلى رأي الشيخ ياسر .. شوية كلاب !!!! بجد حاجة تقرف واسلوب اعلامى منحل لدرجة ملهاش اساس !!
الجميل بقا فى الموضوع واللى مش مفهوم ان الناس اللى راحت تعتصم هى اللى جابت الخمور والاخوان كانوا بينضف مكانهم
الاسوء حقا ان فى ناس مسكينة صدقت بدون ما تتحقق لاننا لسة مبنفكرش ... لسة مبنسمعش ... الغريب ان صاحب البرنامج اللى عامل يدعي على كل من يخالف رأيه من الصبح ده ... واللى عيزين ضرب النعال على رأيه ... " يا أيها الذين أمنوا ان جاءكم فاسق......" صدق الله العظيم
بس الغريب ان كل الاطراف شايفة ان اللى قدامها فاسق واخباره ملهاش اي اساس من الصحة ... فقدنا العقل والحوار وبذلك فقدنا اهم شيء هي الانسانية !!!
حسب الله ونعم الوكيل فى كل من يرغب فى السلطة ولا يهتم بحال من يسانده !!!!!
هذه كلمتى وأجري على الله
لسة عندي روح الثورة ولكنى مازالت محبطة !!! :(
تعليقات
إرسال تعليق