بعد ما فشلت كل محاولاتى السابقة في إنى أكتب باللغة العربية الفصحى" يحضرني أغنية سيرين عبد النور" استيقظ وركز وأصحى .. ما علينا كلها مهاترات تخرجنا من الموضوع خلينا بقا في الموضوع..
يبدو لك من الوهلة الأولى إن الموضوعين عكس بعض .. لكن الحقيقة أنت مخدوع إنزل جمب بيتنا بخطوتين كدا في الهرم وياسلام لو تدخل الطلبية والعمرانية .. أسأل عن الشيخ برهامي واللغط الدائر حوله في الفترة الأخيرة خاصة بعد فتاويه الإخيرة .. هتلاقى زي سواق التاكسي اللى ركبت معاه من كام يوم واللى قال:
برهامي راجل صاحب علم .. وعنده خبره .. مش عندنا ... والكلام اللى بيتقال حواليه ده كله علشان هو راجل ماشي صح ودوغري .. الخلاصة .. الناس اللى زي دي صعب تقنعها ان برهاني غلطان حتى لو جالهم شيخ الأزهر بذات نفسه... وطبعًا كان صعب عليا انا كمان علشان انا متبرجة - من وجهه نظر السائق- مش موضوعنا.
هاقولك إن نظرية المؤامرة في إن الشيخ مش مخطأ لا إطلاقًا absolutely #االلمبي_استايل الشيخ فى ناس عايزة توقعه من مكانته العلمية والاجتماعية تقوم تعمل ايه بقا .. تطلع عليه اشاعات .. يعنى الفتاوي اللى قالها اشاعات ... ؟؟؟
على المستوى الشخصى مش حابة اتكلم كتير فى الافتاء لأني غير مؤهلة لده .. لكن أتفق معه فى البعض القائم على أساس فقهى منطقى سليم منها قتل الزوجة الزانية، فعلى حد فهمى من سورة النور .. فهى لا يقام عليها الحد إلا إذا أتيتم بأربعة شهود وطبعا دي حاجة مستحيلة إلا ولو كانت "زانية في العلن" ودى ربنا يتوالها برحمته بقا ويهديها لحالها...
أختلف معه منطقيًا وأتفق معه فقهيًا .. فوفقًا لترتيب الأحداث والاحتمالية المنعدمة كما قال هو عنده حق .. أما بالمنطق ..لو جوزي سبني وهرب وانا عرفت اهرب بطريقة ما .. مش هبص في وشه تاني ابدًا حتى لو كنت انا اللى بقوله أهرب ... وبالمنطق بردوا فى الأحوال اللى زي دي القلب هو اللى بيتحرك في اقل من ثواني لا العقل ولا الدين ولا الإخلاق ولا أى كلام فى الهجص تاني!
برهامي عنده فتاوي تانية الحقيقة مزعجة ليا وأنا شخصيًا مش حابة أتكلم فيها ولا أحتى اشير ليها لا من قريب ولا من بعيد أنا بس حبيت أسيب بصمتى على الفتوتين دول..
الحقيقة المؤامرة منه على الإسلام لإنه نسى إن فى ناس كتير جدا تجهل جميع أمور الفقه وخصوصًا فقه الأسرة... وبالتالى بيتكلم من منظور متعالى على الناس والمعنى في بطن الشاعر .. سلملي على برهامي #نجاح_الموجي_استايل
الموبايل جديد أتكسر .. أتحسد
دخلت الامتحان مش مذاكر سقط .. ده محسود
لسان الواد طول فجأة .. حسدناك ولا ايه مكنش في بأخلاقك أبدًا
حاجة شلتها فى جيب بالشنطة وملقتهاش .. ضاعت منك .. لا أتسرقت .. وفى الأخر بنلاقيها مختفية!!
نظرية المؤامرة ديمًا فى كلامنا وافعالنا .. مع إننا شعب متدين بطبعه بس بننسى .. واجتنبوا الظن .. إن بعض الظن إثم ...
ربنا يحفظنا وإياكم
تحياتي
المتأمرة ضدكم
نوران عارف :)
برهامي ونظرية المؤامرة .. أشمعنى؟
يبدو لك من الوهلة الأولى إن الموضوعين عكس بعض .. لكن الحقيقة أنت مخدوع إنزل جمب بيتنا بخطوتين كدا في الهرم وياسلام لو تدخل الطلبية والعمرانية .. أسأل عن الشيخ برهامي واللغط الدائر حوله في الفترة الأخيرة خاصة بعد فتاويه الإخيرة .. هتلاقى زي سواق التاكسي اللى ركبت معاه من كام يوم واللى قال:
برهامي راجل صاحب علم .. وعنده خبره .. مش عندنا ... والكلام اللى بيتقال حواليه ده كله علشان هو راجل ماشي صح ودوغري .. الخلاصة .. الناس اللى زي دي صعب تقنعها ان برهاني غلطان حتى لو جالهم شيخ الأزهر بذات نفسه... وطبعًا كان صعب عليا انا كمان علشان انا متبرجة - من وجهه نظر السائق- مش موضوعنا.
هتسألنى فين بقا نظرية المؤامرة؟
هاقولك إن نظرية المؤامرة في إن الشيخ مش مخطأ لا إطلاقًا absolutely #االلمبي_استايل الشيخ فى ناس عايزة توقعه من مكانته العلمية والاجتماعية تقوم تعمل ايه بقا .. تطلع عليه اشاعات .. يعنى الفتاوي اللى قالها اشاعات ... ؟؟؟
وراد ليه لأ؟
على المستوى الشخصى مش حابة اتكلم كتير فى الافتاء لأني غير مؤهلة لده .. لكن أتفق معه فى البعض القائم على أساس فقهى منطقى سليم منها قتل الزوجة الزانية، فعلى حد فهمى من سورة النور .. فهى لا يقام عليها الحد إلا إذا أتيتم بأربعة شهود وطبعا دي حاجة مستحيلة إلا ولو كانت "زانية في العلن" ودى ربنا يتوالها برحمته بقا ويهديها لحالها...
الفتوى التانية الحقيقة.. هى ترك الزوجة للمغتصبين ..
أختلف معه منطقيًا وأتفق معه فقهيًا .. فوفقًا لترتيب الأحداث والاحتمالية المنعدمة كما قال هو عنده حق .. أما بالمنطق ..لو جوزي سبني وهرب وانا عرفت اهرب بطريقة ما .. مش هبص في وشه تاني ابدًا حتى لو كنت انا اللى بقوله أهرب ... وبالمنطق بردوا فى الأحوال اللى زي دي القلب هو اللى بيتحرك في اقل من ثواني لا العقل ولا الدين ولا الإخلاق ولا أى كلام فى الهجص تاني!
برهامي عنده فتاوي تانية الحقيقة مزعجة ليا وأنا شخصيًا مش حابة أتكلم فيها ولا أحتى اشير ليها لا من قريب ولا من بعيد أنا بس حبيت أسيب بصمتى على الفتوتين دول..
فين المؤامرة في الكلام ده ؟
الحقيقة المؤامرة منه على الإسلام لإنه نسى إن فى ناس كتير جدا تجهل جميع أمور الفقه وخصوصًا فقه الأسرة... وبالتالى بيتكلم من منظور متعالى على الناس والمعنى في بطن الشاعر .. سلملي على برهامي #نجاح_الموجي_استايل
اخيرًا أحنا شعب بيؤمن بنسبة مليون في المية بنظرية المؤامرة .. حتى فى أبسط الأشياء
الموبايل جديد أتكسر .. أتحسد
دخلت الامتحان مش مذاكر سقط .. ده محسود
لسان الواد طول فجأة .. حسدناك ولا ايه مكنش في بأخلاقك أبدًا
حاجة شلتها فى جيب بالشنطة وملقتهاش .. ضاعت منك .. لا أتسرقت .. وفى الأخر بنلاقيها مختفية!!
نظرية المؤامرة ديمًا فى كلامنا وافعالنا .. مع إننا شعب متدين بطبعه بس بننسى .. واجتنبوا الظن .. إن بعض الظن إثم ...
ربنا يحفظنا وإياكم
تحياتي
المتأمرة ضدكم
نوران عارف :)
تعليقات
إرسال تعليق