فى 36 حاجة ممكن تخليك تفشل فى لو انت بتشتغل سوشيال ميديا .. والأهم اننا فعلا بنعمل الحاجات دى وقال عادى بقا هو احنا ليه مش بنكسب من السوشيال؟ #أهو_كله_كلام
راجع أنت بقا الكلام ده كدا وشوف بيتقالك وبتعمله ولا لأ
كل اللى انت محتاجة تعمل حساب على تويتر وفيسبوك "طبعا هبل"
شكله خبرة فى السوشيال ميديا أصل عنده عشروميت فريند على فيسبوك.
أكيد مش عايز تكون شبه السبام وتكتب مرة كل اسبوعين على تويتر.
إنك تعمل مدونة للشغل على الورد برس .. وانت ما تعرفش عن ده حاجة.
تبعت بقا للمدونة دى كل لينك لوحده عليها من دون أى تفاصيل.
تعمل تويتر وتروح حطه فى وضع مغلق "شكله فيه تحسينات :P ".
تخلى صفحة الفيسبوك بك مريئة لفانز بتوعك بس
تكتب تغريدة يومية على فنجان القهوة الصبح، اللى ما تقدرش تفوته.
تبعت رسالة مباشرة على تويتر بلينك ويب سيت طبعا هيفتكروه سبام.
ما تحطش بوست يتيم على تويتر وتعتقد إن الناس هتعبرك وتعملك متابعة، مش صح يا حبيبى كدا عيب".
أياك أبدًا تدى نصيحة لحد أو تنشر لينك وانت مجربتش المكتوب ياريت نفهم بقا.
مش لازم نستخدم طريقة مندوب المبيعات فى بيع السلعة استخدم كلماتك الخاصة لجذب الزبون.
مش لازم لو سمحت تعمينا وأنت بتويت بالانجليزى وتكتب بحروف كبيرة، الرحمة حلوة.
مش لازم تكتب خطبة طويلة عريضة عن منافسيك وإنهم فاشلة وإنك انت اللى ملكش مثيل، مش أخلاق المهنة أبدا :D
مش حلو إنك تريتوت تويتة من متابعيك وترسلهم على طبق من دهب لمنافسيك.. خليك ذكى.
وبلاش تفضل مذبهل من كل حاجة بتكتبها، وتنهى كل جملة ليك بعلامة تعجب فى حاجات تانية فى اللغة لو مصمم تستخدم الترقيم، مع إن اخر دراسة قالت إن الكلام من القلب خالى من النحو والترقيم.
مهما حصل ما تسمعش الناس بتقول ايه! ما تقرأش رسائل تويتر وامسح كل الكومنتات من مدونتك.
أوعى تستخدم السرش، تويتر سرش عن اسم مدونتك قراءة فده ممكن يضر بسمعة شركتك.
استخدم اسم مختلف، وشعار مختلف لكل بروفيل بتعمله.
تصرف ثروة على تصميم المدونة 3$ على بلوج بوست.
هدفك على تويتر: لازم يكون 200.00 متابع لذلك عليك إنك تتابع أكبر قدر ممكن من المتابعين على تويتر.
ريتويت لينك الويب سيت مرتين على الاقل فى الساعة علشان الناس على تويتر مش قاعدة 24/7 وانت لازم توصلهم.
تويتر وفيسبوك بس هما اللى انت بتعدهم من وسائل السوشيال ميديا.
تقفل التعليقات على المدونة، انت الريس وزبائنك لازم يسمعولك، مش العكس.
اجرى ورا رقم حظك!
اتكلم بشكل سىء عن العملاء، بس فى ملايين المستخدمين تفتكر ازاى هيلاقوك؟
استخدم الكلمات الدالة مرتين على الاقل فى كل فقرة فلازم تكون متأكد إنك استخدمت الكلمات الدالة مرتين على الاقل فى الفقرات.
حول كل ميزانية التسويق بتاعك لسوشيال ميديا، لأنك أكيد لو ملقتش 1000 عميل جديد طبعا هتسيب البيزنس ده؟.
مش لازم تضيع وقتك وتقرأ مدونات وبوستات الناس التانية خصوصًا اللى فى نفس مجالك، لأنك طبعا التوب.
محتوى مدونتك مش مهم فالاهم انك تقضى الوقت وانت بتكتب كومنتات على أى مدونة تانية فى وشك، ومتقلقش انت ديما فى التوب.
ومش لازم تجهد حالك فى الرد بكومنت طويل كفاية عليهم كلمتين ياراجل بس اتأكد إنهم فيهم الكلمات المفتاحية بتاعتك "التاجز".
ما تقلقش على السوق بتاعك لأن كل منتجاتك رائعة وخدمتك ملهاش زي وكل الناس عيزاها.
لو مدونتك ماجبتش ليك بيعة حلوة فى اسبوعين او اقل وقفة ياراجل وبلاش كلام فارغ مش هتفيدك بحاجة.
عادى انك تاخد محتوى من موقع تانى زي ما هو أو حتى جزء منه من غير ما تشير ليهم بأى طريقة وتدى الحق لصحابه يا راجل ما السوشيال ميديا إيه غير مشاركة؟.
نوران عارف
المحتوى الأصلى كتبته: Maria Haase
تقدر تشوفه وتعمله دونلود من اللينك ده http://www.slideshare.net/JupiterLabs/jupiter-labscomhow-tofailatsocialmedia?from_action=save
تعليقات
إرسال تعليق