الأرزاق على الله

الأرزاق على الله .. كلمة بتسمعها كتير وأنت معتاد عليها واحيانا بتقولها وكأنك مقتنع بها بس الواقع انت مش مقتنع بها أو يمكن مش فاهم معناها بقلبك قبل عقلك. الأرزاق على الله يعنى هو اللى بيوزع الارزاق هو اللى بيعطيك من نعمه الواسعة وكل اللى عليك إنك تدرك النعم دى مش أكتر من كدا .. لو عارف ده معناه إيه هتعرف إن ربنا بيوزع الأرزاق على الناس زى ما بيوزع الصفات الكريمة والسيئة بردو واللى الحقيقة انا بعتبرها رزق.. الشطارة فى حاجة معينة رزق العلاقات رزق معرفة الناس الطيبة رزق الثقة من الناس رزق الذكاء رزق نسبة التركيز رزق الحرية رزق الحب رزق الأشخاص الجدعة فى حياتك رزق الأشخاص النص كم بردو رزق لانك هتتعلم منهم الصحة رزق المرض رزق .. لانه بيكفر عن سيئاتك حب الناس رزق حتى الجنون والمجازفة رزق حنية أمك وأبوك عليك رزق الأخوات الصالحين رزق القائمة مفتوحة انا مش هقفلها أنت بس عليك تكتشف النعم عشان تعرف مقدار رزقك، عشان ما تقولش بعد كدا إنك فقير، أصل الحياة مش رزق بالمال بس الخلاصة ما تقولش ليه يارب ادتني شىء واخدت منى شىء تانى انا محتاجه وفكر تستخدم النعمة اللى عندك بشكل صحيح فكر تستخدم الرزق بتاعك وتصرفه فى الطريق اللى أنت فعلا محتاج تصرفه فيه عشان يزيد مش يقل.